Property Tower Baku

“Property Tower Baku” binası Bakı şəhəri Heydər Əliyev prospektində inşa edilən ən unikal binalardan biridir. Binanın təməli diametri 1 m, uzunluğu 40 m olan 140 ədəd dəmir-beton svayların üzərindədir. Bakı şəhəri seysmik rayonda yerləşdiyindən binanın yükdaşıyan konstruksiyası dəmir-beton və metal konstruksiyadan inşa edilməklə 9 ballıq zəlzələyə davamlıdır.

Binanın hər mərtəbəsi digər mərtəbəyə nəzərən 2.6º dönür və nəticədə fasad müstəvisi 90º dönərək binaya burulma effekti verir. Dünyada bu tip dönən binalar çoxdur, lakin “Property Tower Baku” binasını fasadının tam olaraq şüşədən ibarət olması və hər bir şüşə panelinin özünün də əyilmiş olması onu digər binalardan fərqləndirir.