Baku Tower

Bakı ş. H. Əliyev pr. 109 ünvanında inşa edilən İş Mərkəzi Binası "Baku Tower" Azərbaycanın, o cümlədən Cənubi Qafqazın ən hündür göydələnidir. Bina modern və postmodern memarlıq üslubunda layihələndirilmiş və mürəkkəb konstruktiv qurluşa malikdir.

Binanın 3.5 m qalınlığında olan təməl tavası 370 ədəd diametri 1.0 m, uzunluğu 36.5 m svayların üzərində dayanır. “Baku Tower” binasının yükdaşıyan konstruksiyası dəmir-beton və kompozit metal-konstruksiyadan ibarət olmaqla 9 ballıq zəlzələyə davamlıdır.

Konstruksiyanın dayanıqlığını təmin etmək üçün 4 mərtəbədə əlavə olaraq ABŞ-ın CoreBrace şirkətinin istehsalı olan xüsusi çarpaz rabitələr BRB-lər (Buckling Restrained Brace) və sonuncu mərtəbədə çəkisi 400 tn olan Almaniya istehsalı Maurer markalı İnersiyalı Kütlə Damperi quraşdırılımışdır. Binada sürəti 8 m/s olan 10 ədəd lift quraşdırılıb, yeraltı avtomobil dayanacaqları, SPA mərkəzi, VIP ofislər, toplantı zalları, VIP restoranlar vardır.